Arpa Foundation
Արպա հիմնադրամը շահույթ չհետապնդող հասարակական կազմակերպություն է (ՇՉՀԿ), որը հիմնադրվել է 1992 թ. պրոֆեսոր Ֆրանկո Մոսկայի կողմից, ով նպատակ ուներ խթանել առողջապահության տարբեր ոլորտներում գիտական հետազոտությունների իրականացումը և կադրերի վերապաստրաստումը: Կազմակերպությունը հիմնադրվել է պրոֆեսոր Ֆրանկո Մոսկայի նախաձեռնությամբ, ով այն ժամանակ զբաղեցնում էր Պիզայի համալսարանի ընդհանուր վիրաբուժության և փոխպատվաստման բաժնի տնօրենի պաշտոնը:
Վարպետ Անդրեա Բոչելլին ցանկանում էր ստանձնել Պրեզիդիումի պատվավոր կոչումը, քանզի նա, լինելով համաշխարհային համբավ ունեցող արվեստագետ, Իտալիայի դեսպան աշխարհում և հազվագյուտ զգայունության տեր մարդ, Արպա հիմնադրամը ճանաչել է որպես առողջության կորստի պատճառով առաջացած տառապանքների դեմ առողջապահության աշխատակիցների պայքարի աջակցության հարցում լավագույն միջոց:
Վարպետը վերջին ժամանակներս պնդում էր, որ Արպա հիմնադրամը ստեղծեր կայուն նախագիծ ցավի դեմ պայքարում:
մեր պատմությունը
Արպա հիմնադրամը ռեսուրսներ է ստանում կամավորության, մասնակցության, փոխանակման և համերաշխության միջոցով: Արպա հիմնադրամի ռեսուրսները նպատակուղղված են քաղցկեղի, փոխպատվաստման կլինիկական հետազոտությունների և հիմնական տեսակների, նոր բժշկական և վիրաբուժական տեխնոլոգիաների մշակմանը և կիրառմանը: Ժամանակի ընթացքում հիմնադրամն ընդլայնել է իր հանձնառությունը Իտալիայում և աշխարհի զարգացող երկրներում առողջապահության մասնագետների վերապատրաստման հարցում:
Արպա հիմնադրամը, որի հիմնական նպատակն է սեփական արժեքի հաստատումը, օգնում է խթանել և տեղեկացնել քաղաքացիներին ակտիվ մասնակցություն ցուցաբերել հանրային առողջապահության զարգացման հարցում` ընդլայնելով մեր երկրում և դրա սահմաններից դուրս առողջության պահպանմամբ զբաղվող բուժաշխատողների մասնագիտական վերապատրաստման հնարավորությունները: Արպա հիմնադրամի գործառույթներից է նաև երիտասարդների ուշադրությունը հրավիրելը այն մարդկանց վրա, ովքեր պակաս բախտավոր են, քան մենք:
Արպա հիմնադրամն իր գործունեությունը ծավալում է հետևյալ միջոցներով`
-կրթաթոշակների, ուսման համար մրցանակների, որոշակի նախագծերի համար հետազոտական պայմանագրերի ժամանակին և ըստ պատշաճի իրականացման ֆինանսավորմամբ,
-կեսաբանական և տեխնոլոգիական լաբորատոր հետազոտությունների համար գործիքների արագ ձեռքբերմամբ,
-կլինիկական գործողությունների ժամանակին արվող ճշգրտումների նպատակով տեխնոլոգիաների արագ ձեռքբերմամբ:
Բժիշկների, բուժքույրերի և առողջապահության ոլորտում ներգրավված այլ մասնագետների վերապատրաստման ֆինանսավորումը ներկայումս հանդիսանում է հիմնադրամի գործունեության առաջնային նպատակը: Բազում տարիներ Արպա հիմնադրամը հնարավորություն է տվել Պիզայի դպրոցի բազմաթիվ բուժաշխատողների վերապատրաստվել եվրոպական և հյուսիսամերիկյան հեղինակավոր հաստատություններում (փոխպատվաստում, անոթային վիրաբուժություն, վիրաբուժական ուռուցքաբանություն, գաստրոէնտերոլոգիա, անեսթեզիոլոգիա, հեպատոլոգիա, նոր տեխնոլոգիաների բժշկություն, հիմնական գիտություններ և առողջապահության տնտեսագիտություն), ինչպես նաև խթանեց այնպիսի աշխատանքային միջավայրի ստեղծումը, որում նրանք վերադարձին պես կարող էին ցույց տալ իրենց ունակությունները, օգտագործել արտասահմանում ստացած գիտելիքները` այդպիսով զարգանալով: Արպա հիմնադրամը նման երիտասարդներից պահանջում է, որպեսզի իրենք ներդնեն իրենց գիտելիքներն ու ունակությունները` դարձնելով դրանք հասանելի դրանց կարիքն ունեցողների, ինչպես նաև այն զարգացող երկրների համար, որոնք դեռ այն հնարավորությունները չունեն, ինչ ունեն իրենք:
